Google ADS

Rusia dhe Ukraina bien dakord, marrëveshja e grurit zgjatet për 60 ditë

12:21 | 14 Mars 2023
A. B.

Marrëveshja e grurit nëpërmjet Detit të Zi që lehtëson eksportin e produkteve bujqësore ukrainase është zgjatur sipas kushteve të mëparshme, tha zëvendësministri i Jashtëm rus Alexander Grushko, sipas agjencisë së lajmeve TASS.

“Në të vërtetë, marrëveshja u zgjat me 60 ditë,” tha Grusko për TASS. Ukraina do t’i përmbahet kushteve të një marrëveshjeje të nënshkruar më parë për një zgjatje 120-ditore të nismës së eksportit të grurit të Detit të Zi, tha sot një zyrtar i lartë i qeverisë ukrainase.

Që kur Rusia dhe Ukraina nënshkruan nismën e eksportit të grurit të Detit të Zi të mbështetur nga OKB-ja në Turqi më 22 korrik, miliona tonë drithë dhe produkte të tjera ushqimore janë eksportuar nga portet e Ukrainës.

“Ne do t’i përmbahemi rreptësisht marrëveshjes ,”tha zyrtari për Reuters, i cili dëshiron të mbetet anonim.

Dhe agjencia e lajmeve RIA raportoi se Grusko tha se marrëveshja ishte zgjatur./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm